Eski Eserler

NAAT-I RESÛL

Cenân ü arz ü semâ yâ Muhammed-i Arabi
Seninçün oldu binâ yâ Muhammed-i Arabi
Şefîim ol beni reddetme bâb-ı lûtfundan
Olunca rûz-i cezâ yâ Muhammed-i Arabi
Alîl-i mücrime Lokman şifâ-yı sadr olmaz
Sen etmeyince devâ yâ Muhammed-i Arabi
Cemî’-i ümmete erzân iken olam hâşâ
Cüdâ-yı cûd ü atâ yâ Muhammed-i Arabi
Eğer görür ise hâl-i tebâhım ehl-i kıyam
Benimçün ede büka yâ Muhammed-i Arabi
Aman aman Şeref’-i rû-siyâhmı eyle
Sezâ-yı taht-ı livâ yâ Muhammed-i Arabi

Şeref Hanım